Network
KABARCIREBON - Dikira ukur para intelektual wungkul anu arapaleun sual tunda bayar di lembur urang teh.
Geuningan di warung pecel (lotek) oge sawatara masarakat awam anu rek meuli pecel nyaritakeun gagal bayar jeung tunda bayar nu kajadianana di kabopaten sejen.
Ngan bae cenah, gagal bayar di lembur batur mah teu pati ibur kawas di lembur sorangan.
Malahan tatangga Mang Suadma, kayaning Mang Jono, sempet mere pencerahan kanu mareuli pecel kuayana tunda bayar anu kiwari jadi kacapangan sabiwir hiji (piral).
“Alhamdulillah...Mang, boh sakitu boh sakieu, abdi parantos nampi tina tunda bayar teh,” cek Si Otong.
“Sukur atuh, ari geus nampa mah, lumayan keur nyumponan sarupaning pangabutuh sapopoe,” tembal Mang Suadma.
Baca Juga: Usai Kabur, Remaja Indramayu DPO Kasus Curanmor Diciduk
“Namung nya kitu Mang, kangaranan artos, kenging sakitu seep, kenging sakieu kirang keneh. Asa kedah kumaha ngokolakeun pangasilan teh, seueur keneh anu teu acan katutupan,” walon Si Otong.
