Network
“Andika kudu sukuran, narima sakitu oge geus untung, tibatan teu dibayar pisan mah komo, apanan matak ticengklak,” tembal Mang Suadma.
“Leres pisan nya Mang, urang mah kedah nampi kana kaayaan, malah kudu sukuran dumeh tunda bayar sawareh tos kabayar,” omong Si Otong.
Baca Juga: Hero Tak Henti-henti Bantu Warga Kabupaten Cirebon, Pengentasan Stunting Jadi Prioritas
“Heueuh lebah can dibayar mah mani saheng laporan kaditu, bebeja kadieu, Mamang ge kabawa rudet. Pagawe lain, naon lain, Mamang mah,".
"Lebah geus calair teu embut teu renghap, kilang bara inget ka Mamang mah, keur meuli-meuli bako sebul. Bohong ketang, Mamang mah sisiwo, lain hayang dibere, tapi mun aya nu rido moal nutup panto sempit,” cek Mang Suadma.
“Geuningan Mamang nyarisona rada diplomatis, ongkoh heureuy alim nyuhunkeun, namung upami aya nu rido, moal nutup panto sempit. Kumaha maksadna eta teh?” Si Otong malik nanya.
“Andika mah kudu disundakeun bae, kudu ngarti bae atuh Bro.....! Bohong ketang,” omong Mang Suadma.
“Mangga atuh Mang, abdi ge gaduh kanggo meser bako sagalempeng bae mah,” tembal Si Otong.
“Bohong Tong, lain kitu, Mamang mah. Ukur mangkarunyakeun kanu ngokolakeun tunda bayar,".
