KABARCIREBON - Sandiwara gagal bayar lalakonna kiwari meh lekasan (ngamimitian anggeus) . Atuda rek naha deui, sakirana bisa diakalan mah, ulah dibarengan jeung ekol antukna gagal bayar beuki ngayayay, cek kasarna.
Geus kitu tea we sagala ge aya waktuna kudu tamat eta lalakon gagal bayar teh, buktina ditarekahan mah teu hese-hese teuing. Harese soteh meureun bae dihese-hasekeun dan buktina karek sabaraha poe ditarekahan ku nu ngabantuan teu gugur teu angin bisa kabayar.
“Tos atuh Mang, ayeuna mah teu kedah dikembangkeun pasualan gagal bayar teh. Ayeuna kalawan intruksi pejabat anu gaduh wewenang tos tiasa dicairkeun. Kanggo abdi mah jalmi alit, anu pangalana pas-pasan lebah aya wartos tiasa dicairkeun asa katumbu umur,” cek Si Otong, saking bungahna.
Baca Juga: Karateka SMK Karnas Kuningan Raih Medali Emas Kejurnas BKC Gashuku Cup Tahun 2023
“Atuh heueuh, najan Mamang lain pagawe ari ngadenge tunjangan bisa dicairkeun asa milu bungah. Sugan we atuh ari andika geus nampa duit tunjangan sakitu bulan ayeuna bisa katampa, apanan Mamang ge meureunan bakal kacepretan keur meuli bako, nu penting ngebul,” omong Mang Suadma.
“Leres Mang, abdina doakeun bae mugi-mugi tunjangan sagemblengna tiasa dipoldanan sadayana najan kantun sakedik deui. Pamugi sasih payun tiasa lunas sadayana,” tembal Si Otong.
“Amin Tong, muga-muga ulah aya gagal bayar deui. Da ngadengena teh matak rudet, ceuli asa gagangan ku eta pasualan gagal bayar teh. Cacakan Mamang rayat kuricak, di tembur ge teu RT-RT acan, tapi ari ngadenge tunjangan can kabayar teh asa menit, mana komo anu ngarandapanana, saditueun ti menit,” omong Mang Suadma.
Baca Juga: Popwil Terancam Tidak Dilaksanakan di Kuningan, Ini Kata Kepala Disporapar
“Leres pisan eta teh Mang. Atuda artos tunjangan anu tos dicadongkeun kanggo bayar putra kuliah, cicilan kanggo ka bang/koperasi sareng kabutuh sanesna dugi ka ngagadekeun gajih kanggo nutupan anu teu acan kabayar. Alhamdulillah, ayeuna aya secercah cahaya kehidupan anu tiasa dijantenkeun harepan mugi kapayunna tiasa lungsur langsar sakumaha bihari,” tembal Si Otong.
“Ngan Mamang mah teu habis pikir, mangtaun-taun ngagugulung drama gagal bayar geuningan bisa kabayar. Malah isuk bisa dicairkeun dumasar kana surat parentah pencairan. Naha geuning lain ti bareto, naon beda lalakon gagal bayar bareto jeung carita nu ayeuna, meureunana eta-eta keneh alur caritana mah.
Bener cek kolot urang baheula, ngurus nagara mah teu bisa ku sorangan atawa ukur dua, tiluan atawa ku genepan. Tapi kudu sauyunana kalawan ngalibetkeun para pihak luyu jeung tupoksina masing-masing. Mamang mah teu weleh ngadoakeun, mugia pirus gagal bayar ulah narajang deui ka lembur urang. Amin, kitu Bro.....?” cek Mang Suadma. (Kang Emsul/KC) ***
Dapatkan informasi terbaru dan terpopuler dari Kabar Cirebon di Google News