Network
KABARCIREBON - Anyar-anyar ieu Si Otong jarang panggih jeung Mang Suadma, teuing keur kamana. Tapi ari beja ngaliwatan HP mah kakapeungan nyaut, ngan duka posisina keur dimana-mana mah.
Cenah jeung baruk, Si Otong keur usaha satekah polah hayang jadi itu, hayang meunang ieu, pikeun ngarobah nasib ka hareup nu leuwih onjoy ti batur.
Dina hiji mangsa Si Otong aprok jeung Mang Suadma, atuh puguh matak sono sakalangkung aya batur ngobrol padungdengan sakumaha biasa dipilampah samemehna.
Baca Juga: Balon Gubernur Jabar Yakinkan Agar Lebih Baik Memilih Pemimpin Duda daripada Banyak Istri
“Kandi bae nya Tong, asa geus lila teu panggih jeung anjeun sugan keur aya nu dipuhit (dipenta tur dipilampah)?” tanya Mang Suadma, bangun sono.
“Numawi Mang, abdi teh hoyong ngarobah nasib nu langkung sae ti ayeuna. Margi upami teu diihtiaran ti kiwari, ku cara satekah polah tiasa kalindes batur,” jawab Si Otong.
“Ari ngomong teh tara-tara tisasari, nya luhur-luhur teuing. Apanan andika teh kudu kumaha, beubeunangan nu ayeuna ga moal heueuh kahakan kabeh,” omong Mang Suadma.
Baca Juga: Gebyar Pesona Desa Wisata Digital Kaduela Kuningan
“Ari Mamang, apanan urang teh kedah ngarobih nasib, piraku angger keneh bae kieu?” tanya Si Otong.
