Network
KABARCIREBON - Dumasar kana aturan (undang-undang) Aparatur Sipil Nagara (ASN), cenah, satiap pagawe boga hak anu sarua pikeun ngaraeh kalungguhan luyu jeung jenjang karir anu kudu dipilampah. Hartina pikeun nyangking eta kalungguhan bisa ngaliwatan seleksi terbuka asal nyumponan pasaratan salagi tacan pangsiun.
Lain ukur keur warga daerah satempat, dalah urang luar daerah oge bisa milu open biding. Pon kitu sabalikna, urang lembur bisa nyangking kalungguhan di luar daerah lamun lolos tina eta seleksi terbuka. Nu matak teu kudu pusing, nu penting nyumponan pasaratan bisa milu open biding salagi jadi pagawe keneh.
“Alus nya Tong eta aturan teh, saha bae anu nyumponan pasaratan tur berpeluang pikeun ngaraeh eta jabatan eselon II ngaliwatan open biding? Andika ge bisa bae meunang eta kalungguhan di kabopaten, najan pitempateunana di bawahan sisi sagara kidul,” cek Mang Suadma.
Baca Juga: Harga Beras di Kuningan akan Tetap Mahal Selagi Belum Panen Raya
“Atuh kantenan, upami kamilikeun mah Mang, teu mustahil eta kalungguhan anu diparebutkeun ku unggal pejabat tiasa kaparengkeun ku abdi oge margi ngalangkungan open biding tea,” walon Si Otong.
“Ari andikana pangkat/golonganana sabaraha hayang milu open biding teh?” tanya Mang Suadma.
“Masih padamel biasa, teu acan kasi-kasi acan, manawi taun payun rada ised kana eselon IV” walon Si Otong. “Ulah sok ngugar-ngagir Tong, golongan rendah keneh hayang jadi pangagung anu salepel jeung eselon dua. Atuh usahakeun, jabatan jeung golongan teh ulah ulukutek bae di teoh (handap). Geuningan batur ge patingterekel unggah kalungguhan teh jiga nu babarieun pisan,” cek Mang Suadma.
“Ihtiar mah kedah kumaha Mang! Ka BKD ngusulkeun mah parantos, pon kitu ngarempoy ka nu sanesna bari huruwas-harewos osok, namung teu acan kaparengkeun, duka kunaon abdi oge teu ngartos,” walon Si Otong.
Baca Juga: Diduga Gelapkan Dana Bansos, Aparat Desa Sukadana Kuningan Dipenjara
“Andika bae anu katelah birokrat teu ngarti, komo Mamang rayat kuricak, saditueun ti teu ngarti kana perkara nu karitu teh. Tapi kunaon batur bisa ari andika teu bisa? tanya Mang Suadma. “Duka atuh Mang, nu sanes ge teu tiasa ngiring open biding jalaran kabentur ku yuswa tea ulah ngalangkungan ti 56 taun,” walon Si Otong.
